डलास (अमेरिका) । स्पेनले फिफा विश्वकप २०२६ को पहिलो सेमिफाइनलमा फ्रान्सलाई २–० गोलले पराजित गर्दै फाइनलमा स्थान सुरक्षित गरेको छ।
अमेरिकाको टेक्सासस्थित डलास स्टेडियममा भएको प्रतिस्पर्धात्मक खेलमा स्पेनले पहिलो हाफमै अग्रता बनाएको थियो। खेलको २२औँ मिनेटमा फ्रान्सका लुकास डिग्नेले लामिन यामालमाथि फाउल गरेपछि प्राप्त पेनाल्टीलाई मिकेल ओयारजाबालले गोलमा परिणत गर्दै स्पेनलाई १–० को अग्रता दिलाए।
दोस्रो हाफमा पनि खेलमाथि पकड कायम राखेको स्पेनका लागि ५८औँ मिनेटमा पेड्रो पोरोले उत्कृष्ट गोल गर्दै अग्रता २–० मा पुर्याए। त्यसपछि फ्रान्सले गोल फर्काउने प्रयास गरे पनि स्पेनको सुदृढ रक्षापंक्तिलाई भेद्न सकेन।
निर्धारित समयसम्म थप गोल नहुँदा स्पेन २–० को जितसहित विश्वकप २०२६ को फाइनलमा प्रवेश गर्न सफल भयो। अब स्पेनले उपाधिका लागि दोस्रो सेमिफाइनलको विजेतासँग प्रतिस्पर्धा गर्नेछ।
