अर्जेन्टिनाले इङ्ग्ल्यान्डविरुद्ध रोमाञ्चक पुनरागमन गर्दै २–१ को जित निकालेको छ। यससँगै अर्जेन्टिना विश्वकपको फाइनलमा प्रवेश गर्दै उपाधिका लागि स्पेनसँगको भेट पक्का गरेको छ।

खेलको ५५औँ मिनेटमा एन्थोनी गोर्डनले मोर्गन रोजर्सको उत्कृष्ट क्रसलाई सदुपयोग गर्दै इङ्ग्ल्यान्डलाई सुरुआती अग्रता दिलाएका थिए। त्यसपछि खेलमा इङ्ग्ल्यान्डले लामो समयसम्म अग्रता कायम राखे पनि अन्तिम क्षणमा अर्जेन्टिनाले उत्कृष्ट पुनरागमन गर्‍यो।

खेलको ८५औँ मिनेटमा एन्जो फर्नान्डेजले बराबरी गोल गर्दै अर्जेन्टिनालाई खेलमा फर्काए। त्यसपछि इन्जुरी समयको दोस्रो मिनेटमा लाउटारो मार्टिनेजले निर्णायक गोल गर्दै अर्जेन्टिनालाई २–१ को ऐतिहासिक जित दिलाए।

यो जितसँगै अर्जेन्टिनाले फाइनलमा स्थान सुरक्षित गरेको छ। अब आइतबार अमेरिकाको न्यू जर्सीमा हुने उपाधि भिडन्तमा अर्जेन्टिनाले स्पेनको सामना गर्नेछ।