मकवानपुर । मकवानपुरको हेटौंडा उपमहानगरपालिका वडा नम्बर ११ सिमलटार निवासी विजय स्याङ्तान र सपना स्याङ्तानका ३ महिने नाबालक छोरा केही समयदेखि भरतपुर सी एम सी अस्पतालमा उपचाररत छन् ।
उनलाई बेला बेलामा मुर्छित् हुने भएपछि हेटौंडा अस्पताल लगिएको थियो । हेटौंडामा थप उपचार गर्न भनेपछि त्यहाँबाट भरतपुर रिफर गरिएको थियो । केही समयदेखि भरतपुर सी एम सी अस्पतालमा भेन्टीलेटरमा राखेर उपचार गरिरहेको पारिवारिक स्रोतबाट थाहा हुन आएको छ । बालकलाई शरीरमा सेतो रगत बढी भएकोले समस्या थप देखिन गएको छ । अस्पताल स्रोतले अवस्था नाजुक भएकोले भेन्टीलेटरमा राखेर उपचार गर्नुपर्ने बताएपछी बालकलाई भेन्टीलेटरमा राखिएको पारिवारजनले जानकारी दिए ।
छोराको उपचारमा अहिलेसम्म २ लाख रुपैयाँ खर्च भैसकेको छ , दिनमा २० हजार खर्च हुन्छ उपचारमा , बालकका पिता विजय भन्छन् । आफू सामान्य ट्याक्टर चालक हु । ट्याक्टर चलाएको दिनमा आम्दानी हुन्छ , नचलेको दिनमा आम्दानी हुदैन , स्याङ्तानले दुखेसो पोखे । सन्तानको नाममा एक ८ वर्षिय छोरी छ , छोरा ३ महिनाको ९ उपचाररत ० छ स्याङ्तान परिवारको । आफ्नो आर्थिक अवस्था नाजुक भएकोले नाबालक छोराको जीवन रक्षाको लागि सबैसँग सहयोगको याचना गरेका छन् स्याङ्तान दम्पतीले । आर्थिक सहयोग गर्नकोलागी विजय स्याङ्तानको मोबाइल नम्बर 9701413191 मा सम्पर्क गर्न सकिनेछ र क्युआर कोर्ड् मार्फत् पनि सहयोग गर्न सकिने जनाइएको छ ।
