नेपाल वायु सेवा निगमले आज राति विशेष उडानमार्फत दुबईमा रोकिएका यात्रु उद्धार गर्ने भएको छ। निगमका अनुसार, आज राति सवा ११ बजे वाइडबडी विमानले दुबईका यात्रु लिन प्रस्थान गर्नेछ र भोलि बिहान ४ बजेर १० मिनेटमा काठमाण्डौ फर्कने तालिका छ।
निगमका कार्यकारी निर्देशक अमृतमान श्रेष्ठले भने, ‘पहिलो जो आउँछ उसैलाई पहिलो सेवा’ भन्ने मान्यताका आधारमा यात्रुलाई प्राथमिकतामा राखिएको छ। विशेष उडानमा करिब २८० जना यात्रु यात्रा गर्नेछन्। यो कदम इजरायल, अमेरिका र इरानबीच युद्ध सुरु भएपछिको १२औँ दिनमा पहिलो पटक गरिएको उद्धार प्रयास हो।
प्रतिकृया दिनुहोस्
