हेटौँडा । तामाङ सेलो संगीतप्रेमीहरूका लागि नयाँ गीत ‘ब्रान्डेड गेटअप’ सार्वजनिक गरिएको छ । जनक लामा र गायिका सुमिना लो को स्वर रहेको गीत युट्युबमार्फत सार्वजनिक भएको हो ।
‘ब्रान्डेड गेटअप’ गीतमा सुसिल तामाङ को शब्द तथा चेतन लामा को संगीत रहेको छ । गीतलाई जोगलाल लामाले एरेञ्ज गरेका हुन् भने सानुबाबु घिसिङले मिक्सिङ तथा मास्टरिङ गरेका छन् ।
गीतको अडियो अर्पण रेकर्डिङ स्टुडियोमा तयार गरिएको हो । गीत निर्माणमा ज्ञानबहादुर थिङ र सुमन स्याङ्तानले सहयोग गरेका छन् ।
नयाँ शैली र आधुनिक प्रस्तुतिसहित तयार गरिएको ‘ब्रान्डेड गेटअप’ ले तामाङ सेलो संगीतमा थप आकर्षण ल्याउने विश्वास गरिएको छ । गीत अहिले युट्युबमा सार्वजनिक भइसकेको छ भने दर्शक तथा श्रोताबाट सकारात्मक प्रतिक्रिया प्राप्त भइरहेको निर्माण टिमले जनाएको छ ।
प्रतिकृया दिनुहोस्
