जल तथा मौसम विज्ञान विभाग अन्तर्गतको मौसम पूर्वानुमान महाशाखाले आज जेठ १२ गते देशका विभिन्न जिल्लामा तीव्र गतिको हावाहुरी चल्ने सम्भावना रहेको भन्दै सतर्कता अपनाउन आग्रह गरेको छ ।
महाशाखाद्वारा जारी चेतावनी अनुसार दिउँसोपछि कोशी प्रदेश का झापा र मोरङ, मधेश प्रदेश का बारा, पर्सा, सर्लाही र धनुषा, बागमती प्रदेश का मकवानपुर र चितवन, गण्डकी प्रदेश का नवलपुर र तनहुँ तथा लुम्बिनी प्रदेश अन्तर्गत रुपन्देहीसहित आसपासका क्षेत्रमा हावाहुरी चल्न सक्ने सम्भावना रहेको जनाएको छ ।
मौसमविद्हरूले हावाहुरीका कारण दैनिक जनजीवन प्रभावित हुन सक्ने, कमजोर संरचना, खेतीपाती तथा विद्युत् सेवा प्रभावित हुन सक्ने भएकाले आवश्यक सतर्कता अपनाउन सर्वसाधारणलाई आग्रह गरेका छन् ।
प्रतिकृया दिनुहोस्
