मकवानपुर । जेनजीको आन्दोलनपछि बनेको सुशीला कार्की नेतृत्वको सरकारका मन्त्री रामेश्वर खनाल र कुलमान घिसिङले सरकारी सेवा सुविधा नलिने घोषणा गरेका थिए । सुविधा र तलबभत्ता नलिने घोषणाले कतिपयले प्रशंसा गरेका छन् ।
तर नेपाल कम्युनिष्ट पार्टीका महासचिव विप्लवको यसलाई ‘जनतामा भ्रम छर्ने’ र सेवासुविधा लिन्नँ भन्ने मन्त्रीले ‘कुनैबेला अकुत कमाएको हुनसक्ने बताए ।
सरकार विस्तार हुँदै गर्दा विप्लव भने कपिलवस्तुमा शहीद परिवारलाई घर हस्तान्तरण कार्यक्रममा व्यस्त थिए । विप्लवले भने, ‘मन्त्रीहरुले भाषण गरेको सुनेँ– म चाहिँ तलब लिदिनँ भनेर । तलब नलिएर के खान्छ ? माटो खान्छ त ?’
विप्लव भने, ‘त्यो भनेको त कतैबाट त्यसले कमाको छ नि त । ‘यो घमण्ड हो के । तलब नलिएर खरानी खाने ? यो त जनतामा भ्रम छर्ने कुरा हो ।’कुनै बेला अकुत सम्पत्ति कमाएको हुनसक्ने विप्लवको बुझाइ छ । उनले भने, ‘त्यसले के देखाउँछ भने त्यसले कुनै बेला अकुत सम्पत्ति कमाएको छ भन्ने सावित गर्छ ।’
विप्लवले नेताहरु जनतातिर नफर्किएको र कार्यकर्तालाई उत्पादनसँग नजोडेकोमा असन्तुष्टि जनाए । विप्लवले भने, ‘सजिलै पैसा खोज्दै हिँड्दाखेरि विदेशीको एजेन्ट भएका छन् ।’
