काठमाडौं । दुई देशबीच तीव्र व्यापार युद्ध चर्किरहेका बेला आज दक्षिण कोरियामा अमेरिकी राष्ट्रपति डोनाल्ड ट्रम्प र चिनियाँ राष्ट्रपति सी जिनपिङबीच भेटवार्ता हुँदैछ ।आज शीर्ष दुई नेता ट्रम्प र सी बीच दाक्षिण कोरियामा भेट्न लागेका हुन् ।
अमेरिकी राष्ट्रपति कार्यालय ह्वाइट हाउसका अनुसार आज कोरियाको स्थानीय समय अनुसार बिहान ११ बजे ट्रम्प र सी बीच भेट हुने जानकारी दिएको छ । चिनियाँ विदेश मन्त्रालयले पनि ट्रम्प र सी बीचको भेट समय तय भएको पुष्टि गरेको छ ।
ट्रम्प र सी ले दक्षिण कोरियाको ग्यांग्झूमा एशिया प्यासेफिक इकोनोमिक कोअपरेशन ९एपेक० को शिखर सम्मेलनमा पनि भाग लिनेछन् । सोही सम्मेलनमा भाग लिनुअघि उनीहरुबीच भेटवार्ता तय भएको हो ।
दुवै देशबीच व्यापारिक शुल्क विवाद चलिरहेको अवस्थामा चीनले अमेरिकाबाट खरिद घटाएको कारण अमेरिकी किसानहरूलाई अरबौँ डलर बराबरको क्षति भएको बताइएको छ । भेटवार्ताले अमेरिकी र चीन व्यापार युद्धको अन्त्य हुने विश्वास लिइएको छ ।
