अमेरिकी सुरक्षा प्रमुख क्रिस्टी नोमले ब्राउन युनिभर्सिटीमा भएको सामूहिक गोलीबारीका संदिग्ध क्लाउडियो नेभेस भ्यालेन्टेले ग्रिन कार्ड लटरीमार्फत अमेरिका प्रवेश गरेको भन्दै डाइभर्सिटी भिसा (डिभी) कार्यक्रम निलम्बन गर्ने आदेश दिएकी छन् । राष्ट्रपति ट्रम्पको निर्देशनअनुसार यूएससीआईएसलाई ग्रिन कार्ड कार्यक्रम रोक्न निर्देशन दिइएको हो ।
पोर्चुगलका नागरिक भ्यालेन्टेमाथि डिसेम्बर १३ मा ब्राउन युनिभर्सिटीमा आक्रमण गर्दा दुई जनाको मृत्यु र नौ जना घाइते भएको आरोप छ । उनीमाथि एमआईटीका एक प्राध्यापकको हत्या गरेको आरोप पनि लगाइएको छ । प्रहरीले लामो खोजीपछि उनी आत्महत्या गरेर मृत फेला परेको जनाएको छ ।
अमेरिकी विदेश विभागका अनुसार डिभी लटरीमार्फत हरेक वर्ष करिब ५५ हजार जनालाई स्थायी बसोबासको अनुमति दिइँदै आएको थियो ।
प्रतिकृया दिनुहोस्
