निर्वाचन आयोगले आउँदो फागुन २१ गते हुने प्रतिनिधिसभा सदस्य चुनावका लागि राजनीतिक दल, उम्मेदवार र मतदाताका लागि सुरक्षित वातावरण रहने जनाएको छ।
आयोगका प्रवक्ता नारायणप्रसाद भट्टराईले सुरक्षाकै कारण चुनावी गतिविधि र मतदानमा कुनै अवरोध नआउने स्पष्ट गर्नुभयो। उहाँका अनुसार एकीकृत सुरक्षा योजनाअनुसार चारवटै सुरक्षा निकायले समन्वयमा काम गरिरहेका छन्।
यसैबीच आयोगले निर्वाचनमा खटिने मुख्य निर्वाचन अधिकृत र निर्वाचन अधिकृतका लागि अभिमुखीकरण तालिम सञ्चालन गर्दैछ। काठमाडौँ, चितवन, विराटनगर र नेपालगञ्जमा हुने तालिमपछि उनीहरूले माघ २ गतेदेखि आफ्ना निर्वाचन क्षेत्रमा कार्यालय स्थापना गरी काम सुरु गर्नेछन्।
प्रतिकृया दिनुहोस्
