निर्वाचन आयोग ले धनुषा–१ को प्रतिनिधिसभा सदस्य निर्वाचनको मत परिणाम तत्काल घोषणा नगर्ने निर्णय गरेको छ। आयोगले यसबारे औपचारिक पत्राचार गर्दै निर्णय सम्बन्धित जिल्ला निर्वाचन कार्यालयलाई पठाएको जनाएको छ।
आयोगका कानून शाखा अधिकृत अरुण अधिकारी का अनुसार फागुन १८ गते आयोगले राष्ट्रिय स्वतन्त्र पार्टी का उम्मेदवार किशोरी साह ‘कमल’को उम्मेदवारी खारेज गर्ने निर्णय गरेको थियो। आयोगको दाबी अनुसार उनको नाम कर्जा सूचना केन्द्र को कालोसूचीमा रहेको प्रमाण फेला परेको थियो।
यस विषयमा हाल सर्वोच्च अदालत मा मुद्दा विचाराधीन रहेकोले अदालतको अन्तिम आदेश नआउन्जेलसम्म उक्त निर्वाचन क्षेत्रको मत परिणाम सार्वजनिक नगर्न आयोगले निर्देशन दिएको हो।
निर्वाचन आयोगले सम्बन्धित निर्वाचन अधिकृतको कार्यालयलाई पत्र तामेल गरी जानकारी गराउन भन्दै प्रदेश निर्वाचन कार्यालय लाई समेत बोधार्थ पठाएको जनाएको छ।
यस निर्णयसँगै धनुषा–१ को निर्वाचन परिणाम हाल रोकिएको छ र अब अदालतको आदेशपछि मात्र अन्तिम परिणाम सार्वजनिक हुने बताइएको छ।
