शिक्षा तथा मानव स्रोत विकास केन्द्र ले शैक्षिक सत्र २०८३ का लागि विद्यार्थी भर्ना अभियान वैशाख १५ गतेदेखि सुरु हुने जनाएको छ।
शिक्षा, विज्ञान तथा प्रविधि मन्त्रालय अन्तर्गतको केन्द्रले जारी गरेको सूचनाअनुसार पठनपाठन भने वैशाख २१ गतेदेखि सुरु हुनेछ।
यसअघि सरकारले वैशाख १५ गतेदेखि नयाँ शैक्षिक सत्र सञ्चालन गर्ने निर्णय गरेको भए पनि भर्ना अभियान कहिलेदेखि सुरु गर्ने भन्ने विषय स्पष्ट भएको थिएन। पछिल्लो सूचनासँगै अब विद्यालयहरूले भर्ना प्रक्रिया अघि बढाउने भएका छन्।
यसअघिका वर्षहरूमा भने नयाँ शैक्षिक सत्र वैशाख १ गतेदेखि नै सुरु हुँदै आएको थियो। यसपटक समय तालिका केही परिमार्जन गरिएको देखिन्छ।
📌 नयाँ व्यवस्थाअनुसार विद्यार्थी भर्ना र कक्षा सञ्चालनबीच केही दिनको अन्तर राखिएको छ, जसले विद्यालय तयारीका लागि समय दिने अपेक्षा गरिएको छ।
प्रतिकृया दिनुहोस्
