मकवानपुरको बकैया गाउँपालिकामा तेस्रो संस्करणको पालिकास्तरीय पुरुष भलिबल प्रतियोगिता आयोजना हुने तयारी गरिएको छ। बकैया खेलकुद विकास समितिका संयोजक विजय लामा थिङका अनुसार प्रतियोगिता आगामी जेठ ९ र १० गते सञ्चालन गर्ने योजना छ।
यसअघि सम्पन्न दुई संस्करणमा वडा नम्बर ४ ले लगातार उपाधि जित्दै आफ्नो दबदबा कायम राखेको थियो। पहिलो संस्करणमा वडा नम्बर ७ लाई र दोस्रो संस्करणमा वडा नम्बर ८ लाई पराजित गर्दै वडा नम्बर ४ विजेता बनेको थियो।
आगामी प्रतियोगितासम्बन्धी विस्तृत जानकारी केही दिनमै सार्वजनिक गरिने संयोजक थिङले जानकारी दिनुभयो।
प्रतिकृया दिनुहोस्
