Central Board of Secondary Education (CBSE) ले कक्षा ९ देखि तेस्रो भाषाको अध्ययन अनिवार्य गर्ने नयाँ व्यवस्था लागू गर्ने घोषणा गरेको छ। नयाँ प्रावधान २०२६–२७ शैक्षिक सत्रदेखि लागू हुनेछ।

CBSE ले जारी गरेको परिपत्रअनुसार कक्षा ९ मा अध्ययन गर्ने विद्यार्थीहरूले अब तीन भाषा (R1, R2 र R3) पढ्नुपर्नेछ। तीमध्ये कम्तिमा दुई भाषा भारतीय मूलका हुनुपर्ने व्यवस्था गरिएको छ। यो निर्णय National Education Policy २०२० र विद्यालय शिक्षासम्बन्धी राष्ट्रिय पाठ्यक्रम रूपरेखा २०२३ अनुरूप गरिएको बोर्डले जनाएको छ।

यद्यपि, कक्षा १० को बोर्ड परीक्षामा तेस्रो भाषाको छुट्टै परीक्षा भने सञ्चालन गरिने छैन। CBSE का अनुसार तेस्रो भाषासम्बन्धी सम्पूर्ण मूल्याङ्कन विद्यालयस्तरमै आन्तरिक रूपमा गरिनेछ।

बोर्डले विद्यालयहरूलाई नयाँ भाषा नीतिअनुसार आवश्यक तयारी गर्न तथा तेस्रो भाषाको प्रभावकारी मूल्याङ्कन सुनिश्चित गर्न निर्देशन दिएको छ।