हेटौंडा–नारायणगढ र मुग्लिन–आँबुखैरेनी सडक स्तरोन्नतिका लागि फागुन दोस्रो साताभित्र ठेक्का आह्वान हुने तयारी गरिएको छ। नारायणगढ–हेटौंडा खण्डको डिजाइन अन्तिम चरणमा पुगेको छ भने वातावरणीय प्रभाव मूल्यांकन पनि स्वीकृतिको प्रक्रियामा छ। रापती पुलदेखि भरतपुरसम्म सडक फराकिलो बनाइनेछ। बस्ती क्षेत्रमा चार लेन र सर्भिस लेनसहित सडक निर्माण हुनेछ। फागुनमा ठेक्का लाग्ने तयारी भए पनि हेटौंडा बजार क्षेत्रमा सडक निर्माणका लागि आवश्यक तयारी अझै सुरु भएको छैन।