नेपाली कांग्रेसका सभापति शेरबहादुर देउवाले पार्टीको एकता र महाधिवेशन पक्षधरसँग छलफल गर्ने तयारी गरेको घोषणा गरेका छन्। सोमबार आफ्ना निकट नेताहरूसँग छलफल गर्दै, देउवाले पार्टीलाई एकताबद्ध बनाउन महाधिवेशन पक्षधरसँग संवाद सुरु गर्ने बताएका छन्।
कार्यवाहक सभापति पूर्णबहादुर खड्का र महामन्त्रीद्वय गगन थापा र विश्वप्रकाश शर्मासँग छलफल गर्ने निर्णय भएको नेताहरूले जानकारी दिएका छन्। छलफल पछि, कांग्रेस सहमहामन्त्री महेन्द्र यादवले पार्टीलाई एकढिक्का बनाएर लैजाने सभापति देउवाको भनाइ उद्धृत गरे।
केन्द्रीय समिति एकढिक्का भएर पार्टीलाई जोगाउने र नयाँ नेतृत्व चयन गर्ने क्रममा महाधिवेशनको महत्त्वपूर्ण भूमिका रहेको महेन्द्र यादवले बताएका छन्।
यस्तै, कांग्रेस नेता डा. शशांक कोइरालाले वार्ता र संवादमा जोड दिँदै, पार्टी विभाजन हुन नदिन वार्ता माध्यमलाई प्राथमिकता दिनु पर्ने धारणा राखे।
