मकवानपुरको भीमफेदी गाउँपालिका–१, सुन्दरीमाईस्थित हेटौँडा–भैँसे सडकखण्डमा आइतबार दिउँसो सवारी दुर्घटना हुँदा दुई जना घाइते भएका छन्।
दिउँसो करिब ३ बजे हेटौँडाबाट भैँसेतर्फ जाँदै गरेको कार र विपरीत दिशाबाट आउँदै गरेको मोटरसाइकल एकआपसमा ठोक्किएका थिए। सोही क्रममा पछाडिबाट आइरहेको सुमोले मोटरसाइकललाई थप ठक्कर दिएको प्रहरीले जनाएको छ।
दुर्घटनामा मोटरसाइकल चालक ३० वर्षीय गंगाप्रसाद सुवेदी र पछाडि सवार २९ वर्षीय मनोज कठायत घाइते भएका छन्। दुवैको अवस्था मध्यम रहेको र उपचारका लागि हेटौँडा अस्पतालमा भर्ना गरिएको छ।
प्रहरीले घटनामा संलग्न कार चालक जगत डंगोल र सुमो चालक ईश्वर कार्कीलाई नियन्त्रणमा लिएर आवश्यक अनुसन्धान अघि बढाएको जनाएको छ।
प्रतिकृया दिनुहोस्
