मकवानपुरमा फागुन २१ गते हुने प्रतिनिधि सभा निर्वाचनलाई लक्षित गर्दै ७५२ मतदान अधिकृत र सहायक अधिकृतका लागि हेटौँडास्थित सिद्धार्थ माध्यमिक विद्यालयमा तीन दिने तालिम सुरु गरिएको छ।
तालिममा मतदानको दिनका सम्पूर्ण प्रक्रिया र प्रयोगात्मक अभ्यास गराइनेछ। फागुन १८ गतेसम्म जिल्लाका सबै मतदान केन्द्रमा कर्मचारी पुगिसक्नुपर्ने व्यवस्था गरिएको छ। प्रशासनले निर्वाचनको शान्तिपूर्ण र व्यवस्थित सञ्चालन सुनिश्चित गर्न ४ जना अनुगमन अधिकृत पनि नियुक्त गरेको छ।
जिल्लामा ३७४ मतदान केन्द्र छन्, जहाँ स्वयंसेवकसहित ३,३६६ कर्मचारी परिचालन हुनेछन्। मतपेटिका र अन्य सामग्री केही अन्य जिल्लाबाट ल्याउने व्यवस्था गरिएको छ। निर्वाचन स्थलको संवेदनशीलता अनुसार प्रहरी परिचालन गरिनेछ।
प्रतिकृया दिनुहोस्
