मकवानपुर प्रहरीले थाहा नगरपालिका–१० टौखेल क्षेत्रबाट १२१ किलो चरेससहित दुई जनालाई नियन्त्रणमा लिएको छ।
नियन्त्रणमा पर्नेमा थाहा नगरपालिका–४ रुप्से बस्ने २९ वर्षीय अटो चालक घनश्याम बल तामाङ र कैलाश गाउँपालिका–५ बस्ने २१ वर्षीय सानुकान्छा थिङ रहेका छन्।
जिल्ला प्रहरी कार्यालय मकवानपुरका अनुसार मंगलबार साँझ करिब ४ः५० बजे टौखेलबाट मार्खुतर्फ जाँदै गरेको बा.प्र.०३००१ ह १५०७ नम्बरको अटो जाँच गर्ने क्रममा अटोभित्र लुकाइछिपाइ राखिएका १२ वटा रबरका डिब्बाबाट उक्त परिमाणको चरेस बरामद गरिएको हो।
उनीहरूलाई अदालतमा पेश गरिएकोमा जिल्ला अदालत मकवानपुरले थप अनुसन्धानका लागि ६ दिनको म्याद थप गर्न अनुमति दिएको प्रहरीले जनाएको छ।
प्रतिकृया दिनुहोस्
